Rusia publikon pamjet e para të marinsave të luftanijes së mbytur Moskva – Kremlini nuk jep detaje rreth viktimave

20:08 | 16 Prill 2022
Lorik Gerbeshi

Autoritetet ruse kanë publikuar pamjet e para të marinsave që kishin shpëtuar pas mbytjes së luftanijes, Moskva.

Kjo e fundit raportohet se është qëlluar me raketat e llojit Neptun, të cilën e kishin lansuar ushtarët ukrainas.

Anija në momentin e goditjes ishte në ujërat e Detit të Zi dhe shfrytëzohej për bombardimin e qyteteve jugore dhe lindore të Ukrainës.

“Pamjet e para të ekuipazhit të shpëtuar të Moskva në Sevastopol. Ende nuk ka informacione për viktima”, pohon gazetari i “theguardian”, Pjotr Sauer.

Kujtojmë se Rusia ka mohuar vazhdimisht se luftanija e tyre është goditur me raketa duke thënë se shkaku i një zjarri ka ardhur deri te mbytja e saj.

Ndryshe, rusët edhe sot kanë vazhduar me bombardime duke shkaktuar viktima dhe dëme materiale.

Shpërndaje në rrjete sociale

Lajmet më të lexuara

Të ngjashme

Foto lajm